Powered by Blogger.

Friday 13 February 2015

SSLC Model Exam. Feb. 2015 Hindi Qn. Analysis

1. ചോദ്യം 2ന്റെ വാക്യം തീരെ ചെറുതാക്കിയതായി കാണുന്നു. ഇത് ഹിന്ദിയില്‍ മികച്ച പ്രവര്‍ത്തനം നടത്തുന്ന കുട്ടികള്‍ക്ക് പ്രയാസമുണ്ടാക്കില്ലെങ്കിലും മറ്റ് കുട്ടികള്‍ക്ക് പ്രയാസം സൃഷ്ടിക്കാന്‍ സാധ്യതയുണ്ട്.
2. ചോദ്യം 5ല്‍ ഉദ്ധരണചിഹ്നം കൊടുത്തത് പാഠപുസ്തകത്തിലെ വാക്യമാണെന്ന ധാരണ സൃഷ്ടിക്കുന്നു. എന്നാല്‍ പാഠപുസ്തകത്തില്‍ ഇത്തരത്തിലൊരു വാക്യമില്ലെന്നതാണ് വാസ്തവം.
3. പാഠപുസ്തകത്തില്‍ सकुबाई की आत्मकथांश അഭ്യാസമായി കൊടുത്തിട്ടുണ്ടെങ്കിലും सकुबाई की जीवनी का अंश എഴുതുക എന്നത് കുട്ടികള്‍ക്ക് അല്‍പം പ്രയാസകരമായിരിക്കും.
4. ചോദ്യം 15ല്‍ गाँव था എന്നതില്‍ നിന്ന് छोटा എന്ന് വിശേഷണത്തെ മാറ്റാന്‍ എളുപ്പം കഴി‍ഞ്ഞേക്കാം. എന്നാല്‍ नदी സ്ത്രീലിംഗപദമാണെന്നറിയാത്ത കുട്ടികള്‍ക്ക് 2,3 വാക്യങ്ങള്‍ ശരിയാക്കാന്‍ കഴിയണമെന്നില്ല. നാലാം വാക്യത്തിന്റെ നിലവാരം അല്‍പം ഉയര്‍ന്നതുമാണ്.
5. ചോദ്യം 16ന്റെ സൂചനയില്‍ क्रियाविशेषण കൂടി പെടുത്തിയിരിക്കുന്നു. സാധാരണ विशेषण മാത്രമാണ് കൊടുത്തുകാണാറുള്ളത്. मैं अकेला था എന്ന പദത്തിലെ अकेला എന്ന പദം क्रियाविशेषण ആയതുകൊണ്ടാണ് ഇത്തരം ഒരു മാറ്റം വരുത്താന്‍ ചോദ്യകര്‍ത്താക്കള്‍ തയ്യാറായതെന്ന് അനുമാനിക്കേണ്ടിയിരിക്കുന്നു.
6. ചോദ്യം 17ലെ വാക്യങ്ങള്‍ തീരെ ചെറുതാക്കിയത് മിടുക്കന്മാരായ കുട്ടികള്‍ക്ക് അധികം പ്രയാസമുണ്ടാനിടയില്ലെങ്കിലും ബഹുഭൂരിപക്ഷത്തിനും പ്രയാസം സൃഷ്ടിക്കാനിടയുണ്ട്. സാധാരണയായി ബ്രാക്കറ്റില്‍ 3 യോജകങ്ങളാണ് കൊടുത്തുവരാറുള്ളത്. അതുകൊണ്ട് വലിയൊരു വിഭാഗം കുട്ടികള്‍ जो-वह രണ്ട് യോജകങ്ങളായി തെറ്റിദ്ധരിച്ച് ഉത്തരമെഴുതാനുള്ള സാധ്യതയുണ്ട്. മറ്റൊരു വിഭാഗം जो-वह വെച്ചുകൊണ്ടുതന്നെ ഉത്തരമെഴുതുകയും ചെയ്യും. ഏതായാലും ഈ ചോദ്യം ആശയക്കുഴപ്പം സൃഷ്ടിക്കുന്നതായി കാണേണ്ടിയിരിക്കുന്നു.
7. 18 മുതല്‍ 21 വരെ ചോദ്യങ്ങള്‍ക്ക് ഉത്തരമെഴുതാനായി കൊടുത്ത ഗദ്യഭാഗത്തില്‍ अध्यापक समझा रहे थे, …...सवाल की ओर नहीं था എന്നിങ്ങനെ കൊടുത്തത് നിഷേധാര്‍ത്ഥ ദ്യോതകമായ പ്രയോഗമായി കാണേണ്ടിയിരിക്കുന്നു. വാക്യഘടന ശരിയാണെങ്കിലും നെഗറ്റീവ് ആശയം വരുന്ന തരത്തിലുള്ള പ്രയോഗങ്ങള്‍ ഒഴിവാക്കുകയാണ് അഭികാമ്യം. അധ്യാപകര്‍ മനസ്സിലാക്കിക്കൊടുക്കുമ്പോള്‍ ചിലപ്പോഴെങ്കിലും കുട്ടികളുടെ ശ്രദ്ധ മറ്റെവിടെയെങ്കിലുമൊക്കെ ആകാമെങ്കിലും അധ്യാപകര്‍ പറഞ്ഞുകൊടുക്കുമ്പോള്‍ കുട്ടികള്‍ അത് ശ്രദ്ദിക്കാതെ മറ്റേതെങ്കിലുമൊക്കെയാണ് ശ്രദ്ധിക്കുന്നത് എന്ന അര്‍ത്ഥം വരുന്ന വാക്യങ്ങള്‍ അധ്യാപകര്‍ തന്നെ കൊടുക്കുന്നത് ഗുണകരമായിരിക്കില്ല.
വ്യാകരണ ചോദ്യങ്ങള്‍ പൊതുവെ അല്‍പം പ്രയാസകരമായിരുന്നെങ്കിലും 4 മാര്‍ക്കിന്റെ വലിയ ചോദ്യങ്ങള്‍ക്ക് സൂചനകള്‍ (hints) കൊടുത്തത് കുട്ടികള്‍ക്ക് കൂടുതല്‍ സഹായകരമാകും.

9 comments:

  1. രവി മാഷുടെ വിശകലനങ്ങള്‍ ആകാംക്ഷയോടെ വായിക്കുന്ന ഒരു അധ്യാപികയാണ് ഞാന്‍. ഇത്തവണത്തെ വിശകലനം ചില ചോദ്യങ്ങള്‍ മനസ്സിലുണ്ടാക്കി.ചോദ്യം 2ന്റെ വാക്യം തീരെ ചെറുതാക്കിയതായി കാണുന്നു. ഇത് ഹിന്ദിയില്‍ മികച്ച പ്രവര്‍ത്തനം നടത്തുന്ന കുട്ടികള്‍ക്ക് പ്രയാസമുണ്ടാക്കില്ലെങ്കിലും മറ്റ് കുട്ടികള്‍ക്ക് പ്രയാസം സൃഷ്ടിക്കാന്‍ സാധ്യതയുണ്ട്. വാക്യം ചെറുതായി എന്നത് എന്തുതരം പ്രയാസമായിരിക്കും കുട്ടിയിലുണ്ടാക്കുക എന്ന് രവിമാഷ് ഒന്ന് വ്യക്തമാക്കുന്നത് നന്നായിരിക്കും?

    ReplyDelete
    Replies
    1. ടീച്ചറെ, എന്റെ വിശ്വാസപ്രകാരം ഭാഷയില്‍ നല്ല ക്ഷമതയുള്ളവര്‍ക്കാണ് വാക്യങ്ങള്‍ ചുരുക്കി പ്രയോഗിക്കാന്‍ കഴിയുക. കുട്ടികള്‍ക്ക് കൊടുക്കുന്ന വാക്യങ്ങള്‍ തീരെ കുറുക്കി ചുരുക്കി കൊടുക്കുന്നത് പലപ്പോഴും പ്രശ്നങ്ങള്‍ക്ക് കാരണമാകാറുണ്ട് എന്ന നിരീക്ഷണത്തിലാണ് അങ്ങനെ പറഞ്ഞത്. ഏതായാലും ടീച്ചറുടെ പ്രതികരണത്തിന് നന്ദി.

      Delete
  2. എന്നാല്‍ नदी സ്ത്രീലിംഗപദമാണെന്നറിയാത്ത കുട്ടികള്‍ക്ക് 2,3 വാക്യങ്ങള്‍ ശരിയാക്കാന്‍ കഴിയണമെന്നില്ല.ഇവിടെയും ഒരു ശങ്ക! नदी സ്ത്രീലിംഗപദമാണെന്ന് കുട്ടിക്കറിയാതെ പോകുന്നത് ചോദ്യകര്‍ത്താവിന്റെ തെറ്റാണോ? അങ്ങനെ ഒരു വിമര്‍ശനം വേണ്ടിയിരുന്നോ?

    ReplyDelete
    Replies
    1. ടീച്ചറെ, ഇവിടെയും ഞാന്‍ ചോദ്യകര്‍ത്താക്കളെ കുറ്റപ്പെടുത്തുകയൊന്നുമല്ല ചെയ്തിട്ടുള്ളത്. ഞാന്‍ പറഞ്ഞത് था എന്ന ക്രിയയില്‍ നിന്ന് കുട്ടികള്‍ക്ക് गाँव പുല്ലിംഗമാണെന്നും അതുകൊണ്ടുതന്നെ വിശേഷണവും പുല്ലിംഗത്തില്‍ छोटा എന്ന് വേണമെന്നും മനസ്സിലാക്കാന്‍ പറ്റുമെന്നാണ്. ഇത് കുട്ടികള്‍ക്കുള്ള ഒരു സൗകര്യം പറഞ്ഞുവെന്നേയുള്ളൂ. ചോദ്യത്തില്‍ ഇത്തരം ഘടകങ്ങള്‍ കുട്ടികളെ ഒരുപരിധിവരെ സഹായിക്കാറുണ്ട്. എന്നാല്‍ ഇത് ചോദ്യകര്‍ത്താക്കളുടെ കുറ്റമാണെന്നൊന്നും ഞാന്‍ പറഞ്ഞിട്ടില്ല. കുട്ടികളുടെ പക്ഷത്ത് നിന്ന് അവര്‍ക്കുള്ള സൗകര്യവും അസൊകര്യവും വിലയിരുത്തുകയാണുണ്ടായിട്ടുള്ളത്. നന്ദി. രവി.

      Delete
  3. सकुबाई की जीवनी का अंश എഴുതുക എന്നത് കുട്ടികള്‍ക്ക് അല്‍പം പ്രയാസകരമായിരിക്കും. ഇവിടെയും ആരാണ് തെറ്റുകാരന്‍ എന്നറിയാന്‍ താത്പര്യമുണ്ട്?

    ReplyDelete
    Replies
    1. जीवनी का अंश തയ്യാറാക്കാന്‍ സാധാരണയായി അല്‍പം കൂടുതല്‍ വിവരങ്ങള്‍ കുട്ടികള്‍ക്ക് നല്‍കാറുണ്ട്. അതിനായി പൊതുവെ പ്രൊഫൈലാണ് കൊടുത്തുവരാറുള്ളത്. കാരണം ഇത്തരം ചോദ്യങ്ങള്‍ക്ക് ഉത്തരം എഴുതാന്‍ കുട്ടികള്‍ക്ക് കൂടുതല്‍ സഹായം ആവശ്യമായി വരുന്നു. ചോദ്യകര്‍ത്താക്കള്‍ പ്രതീക്ഷിക്കുന്നവിധം ഉത്തരം കിട്ടാന്‍ രണ്ടുമൂന്നു സൂചനകള്‍ മതിയാവാറില്ല. ഇതാണ് ഞാന്‍ വിശകലനത്തില്‍ ഉദ്ദേശിച്ചത്. നന്ദി. രവി.

      Delete
  4. 4 മാര്‍ക്കിന്റെ വലിയ ചോദ്യങ്ങള്‍ക്ക് സൂചനകള്‍ (hints) കൊടുത്തത് കുട്ടികള്‍ക്ക് കൂടുതല്‍ സഹായകരമാകും. ഇങ്ങനെ സഹായിച്ച് സഹായിച്ച് ഹിന്ദി പരീക്ഷയ്ക്ക് യാതോരു വിലയുമില്ലാതെയായി. ഭിന്നശേഷിയുള്ളവരെ പരിഗണിക്കുന്ന ചോദ്യങ്ങള്‍ എന്നൊക്കെ പല പരിശീലനങ്ങളിലും കേട്ടിട്ടുണ്ട്. അങ്ങനെ എല്ലാ നിലവാരക്കാരെയും പരിഗണിക്കുന്ന ഒരു ചോദ്യം പോലും ആരും ഉണ്ടാക്കിക്കാണിച്ചു തന്നിട്ടില്ല. ഇനി എല്ലാ ചോദ്യങ്ങള്‍ക്കും രണ്ട് ഉത്തര ങ്ങള്‍ കൂടി നല്കി ശരിയായ ഉത്തരം തെരഞ്ഞെടുക്കാന്‍ എന്നാണോ പറയുക?

    ReplyDelete
    Replies
    1. ടീച്ചറെ, ഞാന്‍4 മാര്‍ക്കിന്റെ വലിയ ചോദ്യങ്ങള്‍ക്ക് hints കൊടുക്കണമെന്നോ കൊടുക്കാന്‍ പാടില്ല എന്നോ പറഞ്ഞിട്ടില്ല. ഏതായാലും അങ്ങനെ ചെയ്യുന്നത് ഹിന്ദിയില്‍ മികച്ച പ്രവര്‍ത്തനം നടത്തുന്നവരല്ലാത്ത കുട്ടികള്‍ക്ക് കൂടുതല്‍ സൗകര്യമുണ്ടാക്കുമെന്നേ ഞാന്‍ ഉദ്ദേശിച്ചുള്ളൂ. അങ്ങനെയെങ്കില്‍ चरित्रगत विशेषताएँ चुनकर लिखें എന്ന ചോദ്യത്തെപ്പറ്റിയാണ് പറയേണ്ടത്. ആര്‍ക്കും സൗജന്യമായി മാര്‍ക്ക് കിട്ടുന്ന ചോദ്യമായി അത് കണക്കാക്കപ്പെടുന്നില്ലേ? घटनाएं क्रमबद्ध करके लिखना എങ്ങനെയാണെന്ന് വിലയിരുത്തിനോക്കൂ. നാലില്‍ രണ്ട് വിട്ടഭാഗം പൂരിപ്പിക്കാന്‍ ബ്രാക്കറ്റില്‍ രണ്ട് घटनाएं കൊടുക്കുന്നു. അത് ക്രമം തെറ്റിച്ചേ കൊടുത്തുകാണാറുമുള്ളൂ. അതായത് തിരിച്ചെഴുതിയാല്‍ ഏത് കുട്ടികള്‍ മാര്‍ക്ക് കിട്ടുന്ന അവസ്ഥ. ഇതിനെപ്പറ്റിയൊക്കെ ടീച്ചര്‍ക്ക് പ്രതികരിക്കാനില്ലേ?ഏതായാലും ഓരോ അധ്യാപകര്‍ക്കും, കുട്ടികള്‍ക്കും, രക്ഷിതാക്കള്‍ക്കും വരെ അവരവരുടെ അഭിപ്രായങ്ങള്‍ ഉണ്ടാകാം. അത് പ്രകടിപ്പിക്കുന്നതിനെ ആദരവോടെ സ്വീകരിക്കുന്നു. രവി.

      Delete
  5. आदमी का बच्चा പാഠത്തെ അടിസ്ഥാനമാക്കി ഒരു ചോദ്യം വന്നിരുന്നതായി കാണാം- गरीब बच्चे भूखों मरते हैं। लेकिन बग्गा साहब के घर में कुत्तों के लिए डेढ़ सौ रुपए खर्च कर दूध पिलाया जाता है। പാഠത്തില്‍ डैनी नामक कुतिया की शौक का खर्च ढ़ाई सौ रुपए എന്ന് പറഞ്ഞിരിക്കുന്നു എന്നാല്‍ 150 രൂപ ചെലവാക്കി നായക്ക് പാല്‍ കൊടുക്കുന്നതായൊന്നും പാഠത്തില്‍ പരാമര്‍ശമില്ല. ഏതായാലും 250 ല്‍ 150 പാലിന്റെ ചെലവായി ചോദ്യകര്‍ത്താക്കള്‍ തീരുമാനിച്ചതായിരിക്കാം. കുട്ടികള്‍ക്ക് ഉത്തരമെഴുതാന്‍ ഇതൊരു തടസ്സമാകണമെന്നില്ലെങ്കിലും കൃത്യമായൊരു സംഖ്യ ഇങ്ങനെ പറഞ്ഞതുകൊണ്ട് അത് ഇവിടെ സൂചിപ്പിക്കുകയാണ്. രവി.

    ReplyDelete

© hindiblogg-a community for hindi teachers
  

TopBottom