Powered by Blogger.

മാധ്യമം - വെളിച്ചം


       മാധ്യമം ദിനപത്രത്തിന്റെ വിദ്യാഭ്യാസ പ്രസിദ്ധീകരണമായ വെളിച്ചത്തിന്റെ ചുമതലയുള്ള ശ്രീ. പ്രശാന്തിന്റെ ഫോണ്‍ കാള്‍ അബ്ദുള്‍ റസാക്ക് മാഷിനെ തെല്ലൊന്നുമല്ല വിസ്മയിപ്പിച്ചത്. കാരണം വെളിച്ചത്തിന്റെ ചുമതലക്കാര്‍ ഹിന്ദി ബ്ലോഗിന്റെ പ്രവര്‍ത്തനം നിരീക്ഷിച്ചു എന്നതു തന്നെ. അവര്‍ ആവശ്യപ്പെട്ടത് വെളിച്ചത്തില്‍ പ്രസിദ്ധീകരിക്കാന്‍ SSLC ഹിന്ദി പരീക്ഷാ - പഠന സഹായി തയ്യാറാക്കാന്‍ കഴിയുമോ എന്നായിരുന്നു. അബ്ദുള്‍ റസാക്ക് മാഷിന്റെ വിളി വന്നത് ജയ്ദീപ് മാഷിന്. പിന്നീടങ്ങോട്ട് സോമശേഖരന്‍ മാഷും രവി മാഷും ഉള്‍പ്പെടെയുള്ള നാല്‍വര്‍ സംഘത്തിന്റെ ഓണ്‍ലെന്‍ ചര്‍ച്ചകള്‍. വളരെ തിടുക്കത്തില്‍ തയ്യാറാക്കി എത്തിക്കണമെന്ന് മാധ്യമം - വെളിച്ചത്തിന്റെ കംപോസര്‍ ശ്രീ. കുഞ്ഞാപ്പ കൂടി അറിയിച്ചപ്പോള്‍ ചര്‍ച്ചകളെല്ലാം മാറ്റിനിര്‍ത്തി എസ്.എസ്.എല്‍.സി ഹിന്ദി പരീക്ഷാ സഹായി തയ്യാറാക്കാന്‍ തുടങ്ങി. എല്ലാം വളരെ പെട്ടന്നായിരുന്നു. ഫെബ്രുവരി 23 ന് ഹിന്ദി ബ്ലോഗ് പ്രവര്‍ത്തകരുടെ പരിശ്രമം പ്രസിദ്ധീകരിക്കപ്പെടുകയും ചെയ്തു. പോരായ്മകള്‍ കാണുന്നുവെങ്കില്‍, അവയെല്ലാം തിരുത്തി നമ്മുടെ കുഞ്ഞുങ്ങളില്‍ വെളിച്ചം എത്തിക്കാനുള്ള പരിശ്രമം അധ്യാപക സുഹൃത്തുക്കളുടെ ഭാഗത്തു നിന്നുണ്ടാവണമെന്ന അഭ്യര്‍ത്ഥനയോടെ .....

pdf ഇവിടെ നിന്നു ഡൌണ്‍ലോഡു ചെയ്യാം.
2014 MARCH SSLC Hindi Question Paper download from here
Hindi Hindi Hindi Hindi 

SSLC Model Exam. Feb. 2015 Hindi ANSWERS


SSLC Model Exam. Feb. 2015 Hindi Qn. Analysis

1. ചോദ്യം 2ന്റെ വാക്യം തീരെ ചെറുതാക്കിയതായി കാണുന്നു. ഇത് ഹിന്ദിയില്‍ മികച്ച പ്രവര്‍ത്തനം നടത്തുന്ന കുട്ടികള്‍ക്ക് പ്രയാസമുണ്ടാക്കില്ലെങ്കിലും മറ്റ് കുട്ടികള്‍ക്ക് പ്രയാസം സൃഷ്ടിക്കാന്‍ സാധ്യതയുണ്ട്.
2. ചോദ്യം 5ല്‍ ഉദ്ധരണചിഹ്നം കൊടുത്തത് പാഠപുസ്തകത്തിലെ വാക്യമാണെന്ന ധാരണ സൃഷ്ടിക്കുന്നു. എന്നാല്‍ പാഠപുസ്തകത്തില്‍ ഇത്തരത്തിലൊരു വാക്യമില്ലെന്നതാണ് വാസ്തവം.
3. പാഠപുസ്തകത്തില്‍ सकुबाई की आत्मकथांश അഭ്യാസമായി കൊടുത്തിട്ടുണ്ടെങ്കിലും सकुबाई की जीवनी का अंश എഴുതുക എന്നത് കുട്ടികള്‍ക്ക് അല്‍പം പ്രയാസകരമായിരിക്കും.
4. ചോദ്യം 15ല്‍ गाँव था എന്നതില്‍ നിന്ന് छोटा എന്ന് വിശേഷണത്തെ മാറ്റാന്‍ എളുപ്പം കഴി‍ഞ്ഞേക്കാം. എന്നാല്‍ नदी സ്ത്രീലിംഗപദമാണെന്നറിയാത്ത കുട്ടികള്‍ക്ക് 2,3 വാക്യങ്ങള്‍ ശരിയാക്കാന്‍ കഴിയണമെന്നില്ല. നാലാം വാക്യത്തിന്റെ നിലവാരം അല്‍പം ഉയര്‍ന്നതുമാണ്.
5. ചോദ്യം 16ന്റെ സൂചനയില്‍ क्रियाविशेषण കൂടി പെടുത്തിയിരിക്കുന്നു. സാധാരണ विशेषण മാത്രമാണ് കൊടുത്തുകാണാറുള്ളത്. मैं अकेला था എന്ന പദത്തിലെ अकेला എന്ന പദം क्रियाविशेषण ആയതുകൊണ്ടാണ് ഇത്തരം ഒരു മാറ്റം വരുത്താന്‍ ചോദ്യകര്‍ത്താക്കള്‍ തയ്യാറായതെന്ന് അനുമാനിക്കേണ്ടിയിരിക്കുന്നു.
6. ചോദ്യം 17ലെ വാക്യങ്ങള്‍ തീരെ ചെറുതാക്കിയത് മിടുക്കന്മാരായ കുട്ടികള്‍ക്ക് അധികം പ്രയാസമുണ്ടാനിടയില്ലെങ്കിലും ബഹുഭൂരിപക്ഷത്തിനും പ്രയാസം സൃഷ്ടിക്കാനിടയുണ്ട്. സാധാരണയായി ബ്രാക്കറ്റില്‍ 3 യോജകങ്ങളാണ് കൊടുത്തുവരാറുള്ളത്. അതുകൊണ്ട് വലിയൊരു വിഭാഗം കുട്ടികള്‍ जो-वह രണ്ട് യോജകങ്ങളായി തെറ്റിദ്ധരിച്ച് ഉത്തരമെഴുതാനുള്ള സാധ്യതയുണ്ട്. മറ്റൊരു വിഭാഗം जो-वह വെച്ചുകൊണ്ടുതന്നെ ഉത്തരമെഴുതുകയും ചെയ്യും. ഏതായാലും ഈ ചോദ്യം ആശയക്കുഴപ്പം സൃഷ്ടിക്കുന്നതായി കാണേണ്ടിയിരിക്കുന്നു.
7. 18 മുതല്‍ 21 വരെ ചോദ്യങ്ങള്‍ക്ക് ഉത്തരമെഴുതാനായി കൊടുത്ത ഗദ്യഭാഗത്തില്‍ अध्यापक समझा रहे थे, …...सवाल की ओर नहीं था എന്നിങ്ങനെ കൊടുത്തത് നിഷേധാര്‍ത്ഥ ദ്യോതകമായ പ്രയോഗമായി കാണേണ്ടിയിരിക്കുന്നു. വാക്യഘടന ശരിയാണെങ്കിലും നെഗറ്റീവ് ആശയം വരുന്ന തരത്തിലുള്ള പ്രയോഗങ്ങള്‍ ഒഴിവാക്കുകയാണ് അഭികാമ്യം. അധ്യാപകര്‍ മനസ്സിലാക്കിക്കൊടുക്കുമ്പോള്‍ ചിലപ്പോഴെങ്കിലും കുട്ടികളുടെ ശ്രദ്ധ മറ്റെവിടെയെങ്കിലുമൊക്കെ ആകാമെങ്കിലും അധ്യാപകര്‍ പറഞ്ഞുകൊടുക്കുമ്പോള്‍ കുട്ടികള്‍ അത് ശ്രദ്ദിക്കാതെ മറ്റേതെങ്കിലുമൊക്കെയാണ് ശ്രദ്ധിക്കുന്നത് എന്ന അര്‍ത്ഥം വരുന്ന വാക്യങ്ങള്‍ അധ്യാപകര്‍ തന്നെ കൊടുക്കുന്നത് ഗുണകരമായിരിക്കില്ല.
വ്യാകരണ ചോദ്യങ്ങള്‍ പൊതുവെ അല്‍പം പ്രയാസകരമായിരുന്നെങ്കിലും 4 മാര്‍ക്കിന്റെ വലിയ ചോദ്യങ്ങള്‍ക്ക് സൂചനകള്‍ (hints) കൊടുത്തത് കുട്ടികള്‍ക്ക് കൂടുതല്‍ സഹായകരമാകും.

संशोधन सामग्री

     ഹിന്ദി ബ്ലോഗിന് വളരെ വിരളമായി മാത്രമേ  അധ്യാപകരുടെ പക്കല്‍ നിന്ന് സ്വമേധയാ മെറ്റീരിയലുകള്‍ അയച്ചു കിട്ടാറുള്ളു.അയച്ചു കിട്ടുന്ന പല മെറ്റീരിയലുകളും അവ തയ്യാറാക്കുന്ന മാധ്യമത്തിന്റെ പരിമിതികള്‍ കൊണ്ട് എഡിറ്റിംഗ് സമയത്ത് പ്രശ്നങ്ങള്‍ സൃഷ്ടിക്കാറുണ്ട്.ചില മെറ്റീരിയലുകള്‍ എഡിറ്റു ചെയ്തെടുക്കുന്നതിനേക്കാള്‍ പുതിയതൊന്ന് ഉണ്ടാക്കുകയാണ് ഭേദം എന്നു തോന്നിപ്പോകാറുണ്ട്.അത്രയ്ക്കാണ് ലേ-ഔട്ടും അലൈന്‍മെന്റിലെ വ്യത്യാസങ്ങളും സൃഷ്ടിക്കുന്ന പ്രശ്നങ്ങള്‍.എന്നിരിക്കിലും ഹിന്ദി ടൈപ്പിംഗ് പഠിച്ചെടുത്ത്,ഇത്രയും ചെയ്യാന്‍ മനസ്സുകാട്ടുന്ന അധ്യാപകസുഹൃത്തുക്കളുടെ പ്രയത്നത്തെ അമൂല്യം എന്നു തന്നെയാണ് ഞങ്ങള്‍ കരുതുന്നത്. ഇത്തരം പ്രശ്നങ്ങളെ മറികടക്കാന്‍ ചില പദ്ധതികള്‍ ഹിന്ദി ബ്ലോഗ് പ്രവര്‍ത്തകര്‍ ആലോചിക്കുന്നുണ്ട്.അയച്ചു കിട്ടുന്ന മെറ്റീരിയലുകള്‍ എല്ലാം സമയബദ്ധിതമായി പ്രസിദ്ധീകരിക്കാന്‍ കഴിയാത്ത സങ്കടം പങ്കുവെയ്ക്കാനാണ് ഇത്രയും പറഞ്ഞത്
എന്നാല്‍ പ്രസിദ്ധീകരിച്ചേ മതിയാകൂ എന്ന് ഞങ്ങള്‍ക്ക് തോന്നിയ ഒരു പ്രവര്‍ത്തനമാണ് ഇന്ന് ഈ പോസ്റ്റിലുള്ളത്. മോഡല്‍ പരീക്ഷക്ക് മുന്‍പ് തന്നെ ഇത് പ്രസിദ്ധീകരിക്കണം എന്നും ഞങ്ങള്‍ തീരുമാനിച്ചു. പാലക്കാട് ജില്ലയിലെ ജി.എച്ച്.എസ്.കരിമ്പയിലെ അധ്യാപകനായ ശ്രീ.കെ.പി.സദാശിവന്‍ മാഷാണ് ഇത് തയ്യാറാക്കി അയച്ചു തന്നത്.കുട്ടികള്‍ക്ക് വളരെ എളുപ്പത്തില്‍ പഠിച്ച പാഠഭാഗങ്ങള്‍ പുനരവലോകനം ചെയ്യാന്‍ ഈ മെറ്റീരിയല്‍ ഉപകാരപ്പെടും എന്ന് ഞങ്ങള്‍ കരുതുന്നു.അഭിപ്രായങ്ങളും നിര്‍ദ്ദേശങ്ങളും വിമര്‍ശനങ്ങളും ഞങ്ങളാഗ്രഹിക്കുന്നു.


मुकुलम


      ഫിബ്രവരി 10ന് മോഡല്‍ പരീക്ഷ ആരംഭിക്കുകയാണല്ലോ..? അതിനു വളരെ മുന്‍പേ തന്നെ കണ്ണൂര്‍ ജില്ലാ പഞ്ചായത്തിനു വേണ്ടി തയ്യാറാക്കപ്പെട്ട മുകുളം ചോദ്യപേപ്പര്‍ നിങ്ങളുടെ കൈകളില്‍ എത്തിക്കണമെന്ന് കരുതിയതായിരുന്നു. പക്ഷേ നമ്മുടെ പ്രിയസുഹൃത്ത് രവി സര്‍ മുകുളത്തിന്റെ ഉത്തര സൂചിക കൂടി തയ്യാറാക്കുന്നു എന്നറിഞ്ഞപ്പോള്‍ രണ്ടും ഒന്നിച്ച് പ്രസിദ്ധീകരിക്കുന്നതാണ് ഉചിതമെന്ന് തോന്നി. കണ്ണൂരിലെ രവി സാറിനെപ്പോലെ  ചുരുക്കം ചിലരെങ്കിലും ജോലിത്തിരക്കുകള്‍ക്കിടയിലും ഹിന്ദിബ്ലോഗിനു വേണ്ടി സമയം കണ്ടെത്തുന്നു എന്നറിയുന്നതില്‍ അതിയായ സന്തോഷമുണ്ട്. അവരുടെ പ്രവര്‍ത്തന മികവുകളെ കമന്റുകളിലൂടെ വിലയിരുത്താന്‍ ശ്രമിക്കുമല്ലോ....

DOWNLOAD FROM DOWN

सुगमा हिंदी परीक्षा - उत्तर सूचिका 2015

       2014-15 അധ്യയന വര്‍ഷത്തെ സുഗമ ഹിന്ദി പരീക്ഷ ജനുവരി 24 ന് കഴിഞ്ഞുവല്ലോ..? പത്താം ക്ലാസ്സിലെ കുട്ടികള്‍ക്ക് ഏറെ പ്രയോജനകരമായ സുഗമ - സരള്‍ ഹിന്ദി പരീക്ഷകളുടെ ഉത്തരങ്ങള്‍ ഒരു പക്ഷേ കുട്ടികളില്‍ എത്താറുണ്ടാവില്ല തന്നെ. എന്നാല്‍ ഈ പ്രാവശ്യം ഹിന്ദി ബ്ലോഗ് ആ ഒരു ദൗത്യം കൂടി ഏറ്റെടുക്കുകയാണ്. ഇത്തവണയും കടന്നപ്പള്ളി ഗവ. ഹയര്‍ സെക്കന്ററി സ്കൂളിലെ രവിമാഷു തന്നെയാണ് അതിനായി മുന്നോട്ടു വന്നിട്ടുള്ളത്. രവി മാഷിനെ അഭിന്ദിക്കാന്‍ കമന്റ് ബോക്സുകള്‍ ഉപയോഗിക്കുമല്ലോ..?
   
   प्रश्न पत्र और उत्तर सूचिका नीचे से डाउणलॉड कर सकते हैं।

पोस्टर रचना


ഭാഷാ വിഷയങ്ങളിലെ പ്രധാന ചോദ്യങ്ങളിലൊന്നാണ് പോസ്റ്റര്‍രചന.ഹിന്ദിയില്‍ പ്രത്യേകിച്ചും.കഴിഞ്ഞ വര്‍ഷത്തെ അവധിക്കാല പരിശീലനങ്ങളില്‍ പോസ്റ്റര്‍ രചനയുമായി ബന്ധപ്പെട്ട് ധാരാളം ചൂടേറിയ ചര്‍ച്ചകള്‍ നടന്നിരുന്നു.കുട്ടികള്‍ ഈ ചോദ്യത്തിന് ഉത്തരമെഴുതുന്ന രീതിയെ ഈ ബ്ലോഗിലൂടെ പലപ്പോഴും രവിമാഷ് വിമര്‍ശിച്ചിട്ടുമുണ്ട്.ഇത്തവണ കലോത്സവവേദിയില്‍ കണ്ടുമുട്ടിയ അധ്യാപകസുഹൃത്തുക്കളും ഇക്കാര്യം സൂചിപ്പിക്കുകയുണ്ടായി.ഇത്തരുണത്തില്‍ പോസ്റ്ററുമായി ബന്ധപ്പെട്ട ഒരു പോസ്റ്റ് പ്രസക്തമായിരിക്കും എന്ന് ഞങ്ങള്‍ കരുതുന്നു.ജി.സോമശേഖരന്‍ മാഷാണ് ഈ പോസ്റ്റ് തയ്യാറാക്കിയിരിക്കുന്നത്.സജീവമായി ചര്‍ച്ചകളില്‍ പങ്കടുത്ത് ഈ പോസ്റ്റിന്റെ ഉദ്ദേശ്യം സഫലമാക്കാന്‍ അഭ്യര്‍ത്ഥിക്കുന്നു.
എന്താണ് പോസ്റ്റര്‍ രചന എന്ന ചോദ്യത്തിന്റ പിന്നിലെ ഉദ്ദേശ്യം?തന്നിരിക്കുന്ന സന്ദര്‍ഭത്തിനെ അടിസ്ഥാനമാക്കി ആകര്‍ഷകമായ പോസ്റ്റര്‍ എന്നതായിരുന്നു ആദ്യകാല ചോദ്യപേപ്പറുകളിലെ ഇത്തരം ചോദ്യങ്ങളുടെ ഉത്തരങ്ങളായി പ്രതീക്ഷിച്ചിരുന്നത്.അവ്യക്തമായ സ്കോറിംഗ് സൂചകങ്ങളായിരുന്നു രണ്ട് അല്ലെങ്കില്‍ മൂന്ന് സ്കോര്‍ നല്കിയിരുന്ന ഈ ചോദ്യങ്ങളിലുണ്ടായിരുന്നത്(प्रसंगानुकूल पोस्टर तैयार किया है,पोस्टर आकर्षक है)ഇക്കാലത്ത് പോസ്റ്റര്‍ / അനൗണ്‍സ്മെന്റ് എന്നിവ വ്യവഹാര രൂപങ്ങളുടെ ചോദ്യഗ്രൂപ്പില്‍ നിന്ന് വേറിട്ടു നിര്‍ത്തിയിരുന്ന ചോദ്യങ്ങളായിരുന്നു.മിക്ക പോസ്റ്റര്‍ ചോദ്യങ്ങളും ഏതെങ്കിലും പരിപാടികളുടെ അറിയിപ്പ് നല്കുന്ന രീതിയിലുള്ളവയാകയാലും സ്കോര്‍ കുറവാകയാലും ഉത്തര പേപ്പറുകളിലെ പോസ്റ്ററുകളുടെ നിലവാരം അധികം ചര്‍ച്ച ചെയ്യപ്പെട്ടില്ല എന്നതാണ് സത്യം. എന്നാല്‍ രണ്ട് വര്‍ഷം മുന്‍പ് ചോദ്യപേപ്പര്‍ ഘടന മാറിയപ്പോള്‍ വ്യവഹാര രൂപങ്ങളെ അടിസ്ഥാനമാക്കിയുള്ള ചോദ്യഗ്രൂപ്പില്‍ മൂന്ന് ചോദ്യങ്ങളില്‍ നിന്ന് ഏതെങ്കിലും രണ്ടണ്ണം തെരഞ്ഞടുക്കുക എന്ന നിര്‍ദ്ദേശം മാറ്റി നാല് ചോദ്യങ്ങളില്‍ നിന്ന് ഏതെങ്കിലും മൂന്നെണ്ണം തെരഞ്ഞടുക്കുക എന്നാക്കിയപ്പോള്‍ പോസ്റ്റര്‍ നാല് സ്കോറോടെ ചോദ്യപേപ്പറിലെ താരമായി.ഏതെങ്കിലും പരിപാടികളുടെ അറിയിപ്പ് നല്കുന്ന രീതിയിലുള്ളവ എന്നതിനപ്പുറം സമൂഹത്തിലേയ്ക്ക് ഒരു നിശ്ചിത സന്ദേശം എത്തിക്കുന്ന രീതിയിലുള്ള പോസ്റ്ററുകള്‍ തയ്യാറാക്കാനും കുട്ടി തയ്യാറാകേണ്ടി വന്നു.എന്നാല്‍ ധാരണക്കുറവും പരിശീലനത്തിലെ അപാകങ്ങളും പോസ്റ്ററുകളുടെ നിലവാരത്തെ തികച്ചും പരിതാപകരമാക്കി. സൂചനാഫലകങ്ങളുടെയോ ഫ്ലഷ്‌കാര്‍ഡകളുടെയോ നിലവാരത്തിനപ്പുറത്തേയ്ക്ക് കടന്നുവന്നവ വളരെ വിരളമായിരുന്നു.ഫലമോ കുട്ടി അനായാസം ഉത്തരമെഴുതി സ്കോര്‍ നേടട്ടെ എന്ന് കരുതി ചേര്‍ത്ത ചോദ്യം സ്കോര്‍ ചോര്‍ത്തിക്കളയുന്നതായി മാറി! വരയ്ക്കാനുള്ള കഴിവുള്ള കുട്ടിയുടെ പോസ്റ്ററുകളില്‍ ചിത്രങ്ങള്‍ മാത്രമായാല്‍,അവ ചോദ്യത്തില്‍ പറയുന്ന രീതിയില്‍ സന്ദേശം / ആശയം കൈമാറാന്‍ പ്രാപ്തമാണെങ്കില്‍ അവയ്ക്ക് പൂര്‍ണ്ണമായ സ്കോര്‍ നല്കാമോ എന്ന ആശങ്കയും ചില അധ്യാപകര്‍ക്കെങ്കിലുമുണ്ട്. ഇവിടെയാണ് കൃത്യതയും വ്യക്തതയും സൂക്ഷ്മതയുമുള്ള സ്കോറിംഗ് സൂചകങ്ങളുടെ പ്രസക്തി.2014 മാര്‍ച്ചിലെ എസ്.എസ്.എല്‍.സി.പരീക്ഷയുടെ സ്കീം ഓഫ് വാലുവേഷനിലെ ഉത്തര സൂചകങ്ങള്‍ നമുക്കൊന്ന് നോക്കാം 
  • आशय समझा है।(1 score)
  • पोस्टर की शैली है।(संक्षिप्त वाक्य / वाक्यांश,संदेशात्मक अभिव्यक्ति)(1 score)
  • रूप संविधान।(Lay Out)(1 score)
  • आशय का सफल संप्रेषण हुआ है।(1 score)
ഇവിടെ സൂചകങ്ങള്‍ കുറച്ചുകൂടി വ്യക്തമായിട്ടുണ്ട്. വാക്യങ്ങളും വാക്യാംശങ്ങളും ഉപയോഗിച്ച് സന്ദേശം / ആശയം കൈമാറണമെന്ന് ഇനിടെ നിബന്ധിക്കുന്നുണ്ട്. ചിത്രങ്ങള്‍ മാത്രം പോരാ എന്നര്‍ത്ഥം. സ്കോറിംഗ് സൂചകങ്ങള്‍ കുട്ടി അറിഞ്ഞിരിക്കേണ്ടതിന്റെ ആവശ്യകത വ്യക്തമാകുന്നുണ്ടല്ലോ? പോസ്റ്റര്‍ ഓര്‍ക്കേണ്ട കാര്യങ്ങള്‍ പോസ്റ്ററുകള്‍ രണ്ടു വിധത്തിലുണ്ട്. ഒരു പരിപാടിയുടെ അറിയിപ്പ് നല്കുന്ന രീതിയിലും ഒരു പ്രത്യേക സന്ദേശം വിനിമയം ചെയ്യുന്ന രീതിയിലും പോസ്റ്റര്‍ തയ്യാറാക്കാനാവശ്യപ്പെടാം.ആദ്യ വിഭാഗത്തിലുള്ള പോസ്റ്ററുകളില്‍ പരിപാടിയുടെ പേര്,പരിപാടി നടക്കുന്ന സ്ഥലം,തീയതി,സമയം,പങ്കെടുക്കുന്നവര്‍ എന്നിവ ഉള്‍പ്പെടുത്തണം.എന്നാല്‍ രണ്ടാമത്തെ തരം ചോദ്യങ്ങളില്‍ നല്കേണ്ടുന്ന സന്ദേശത്തിനാണ് പ്രാധാന്യം.
ഉദാ- ജലസംക്ഷണ സെമിനാറിന്റെ പോസ്റ്റര്‍ - ജല സംരക്ഷണത്തിന്റെ പ്രാധാന്യത്തെക്കുറിച്ചുള്ള സന്ദേശം ജനങ്ങളിലെത്തിക്കാനുള്ള പോസ്റ്റര്‍
സ്കൂളില്‍ രോഗപ്രതിരോധ ക്യാന്പിനെക്കുറിച്ചുള്ള പോസ്റ്റര്‍-രോഗപ്രതിരോധത്തിന്റെ പ്രാധാന്യത്തെക്കുറിച്ചുള്ള സന്ദേശം ജനങ്ങളിലെത്തിക്കാനുള്ള പോസ്റ്റര്‍
ഈ പ്രസന്റേഷന്‍ കാണൂ....
ഇതിന്‍റെ pdf രൂപം താഴെ നിന്ന് ഡൗണ്‍ലോഡ് ചെയ്യാം. pdf നെ പ്രസന്റേഷനായി പ്രവര്‍ത്തിപ്പിക്കാന്‍ഫയല്‍ ഡബിള്‍ ക്ലിക്ക് ചെയ്ത് തുറന്ന്  view മെനുവിലെ presentation ല്‍ ടിക് മാര്‍ക്ക് നല്കുകയോ  keyboard ലെ F5 അമര്‍ത്തുകയോ ചെയ്യുക.presentation ല്‍നിന്ന് പുറത്തുകടക്കാന്‍  Esc ബട്ടണ്‍ അമര്‍ത്തിയാല്‍ മതി.


पाठक :


മുമ്പേ പറക്കുന്ന കാസര്‍ഗോഡ്...

   പല ഡയറ്റുകളുടെയും പ്രവര്‍ത്തനം പുറത്തധികം ശ്രദ്ധിക്കപ്പെടാറില്ല. കാസര്‍ഗോഡ് ഡയറ്റിന്റെതുപോലെയുള്ള ചിട്ടയായി ആസൂത്രണം ചെയ്ത, സമര്‍ത്ഥമായി നടപ്പാക്കപ്പെടുന്ന,കൃത്യമായി വിലയിരുത്തപ്പെടുന്ന തനത് പ്രവര്‍ത്തനങ്ങള്‍ മറ്റുള്ള ഡയറ്റുകള്‍ മാതൃകയാക്കട്ടെ!
        കാസര്‍ഗോഡ് ജില്ലയില്‍ ഒരു നിശ്ശബ്ദ വിദ്യാഭ്യാസ വിപ്ലവം അരങ്ങേറുകയാണ്. LP, UP, HS ഭേദമില്ലാതെ ജില്ലയിലെ മുഴുവന്‍ സ്കൂളുകള്‍ക്കും വിദ്യാഭ്യാസ ഓഫീസുകള്‍ക്കും ബ്ലോഗുകള്‍ ഉണ്ടാക്കി അവയെ പരസ്പരം ബന്ധിപ്പിച്ചായിരുന്നു തുടക്കം. തുടര്‍ന്ന് പിന്നാക്കക്കാരുടെ നിലവാരമുയര്‍ത്താന്‍ സാക്ഷരം വര്‍ക്ക്ഷീറ്റുകള്‍ തയ്യാറാക്കപ്പെട്ടു. ഇതിന്റെ തുടര്‍ച്ചയായി പ്രത്യേക മൊഡ്യൂളുകള്‍ ഉപയോഗിച്ച് ഉണര്‍ത്ത് എന്ന പേരില്‍ പ്രത്യേക അവധിക്കാല ക്യാമ്പും നടന്നു. ഇപ്പോഴിതാ STEPS പദ്ധതിയുടെ ഭാഗമായി കഴിഞ്ഞ യൂണിറ്റ് / ടേം പരീക്ഷകളില്‍ പിറകില്‍ നില്‍ക്കുന്ന കുട്ടികളെ ഉദ്ദ്യേശിച്ച് പ്രത്യേക പഠനപ്പാക്കേജ് തയ്യാറാവുന്നു.
        ഗണിതം, ഇംഗ്ലീഷ്, ഫിസിക്സ്, കെമിസ്റ്റ്രി, ഹിന്ദി, ബയോളജി എന്നീ വിഷയങ്ങള്‍ക്കാണ് പാക്കേജ് തയ്യാറാക്കുന്നത്. വര്‍ക്ക് ഷീറ്റ് രൂപത്തില്‍ സ്കൂളിലെത്തിക്കുന്ന ഇനങ്ങള്‍ ജനവരിയില്‍ റിവിഷന്‍ വേളയിലാണ് അധ്യാപകര്‍ പ്രയോജനപ്പെടുത്തുക. ഡി ഇ ഒ മാര്‍ നേതൃത്വം നല്‍കുന്ന ഒ എസ് എസ് ടീമിന്റെ പ്രത്യേക ശുപാര്‍ശ പ്രകാരമാണ് ഈ പരിപാടി ആവിഷ്കരിച്ചത്. കാസര്‍ഗോഡ് ജില്ലയിലെ ഡി.ഡി. രാഘവന്‍സാറിനും വിദ്യാഭ്യാസ ജില്ലാ - ഉപജില്ലാ ഓഫീസര്‍മാര്‍ക്കും ഡയറ്റിനും, ഏകമനസ്സോടെ ഇവരെ പിന്തുടരുന്ന വിദ്യാലയങ്ങള്‍ക്കും hindiblog ന്റെ അഭിനന്ദനങ്ങളും വിജയാശംസകളും നേരുന്നു

താഴെയുള്ള ലിങ്കില്‍ നിന്ന് ഈ പഠനപ്പാക്കേജ് ഡൗണ്‍ലോഡ് ചെയ്യാം...

पाठ- प्रोक्ति - रचयिता

ഇക്കൊല്ലത്തെ എസ്.എസ്.എല്‍.സി.പരീക്ഷക്ക് ആവശ്യമായ സഹായങ്ങള്‍ നല്കാന്‍ ഹിന്ദി ബ്ലോഗ് തയ്യാറായിക്കഴിഞ്ഞു.ആസര 2015 എന്ന പേരിലുള്ള പോസ്റ്റുകള്‍ വഴി വര്‍ക്ക് ഷീറ്റുകള്‍,പ്രസന്റേഷനുകള്‍,വീഡിയോ പാഠങ്ങള്‍,മാതൃകാ ചോദ്യ-ഉത്തരങ്ങള്‍ എന്നിവയും യൂണിറ്റ് ചോദ്യപേപ്പറുകളും മാതൃകാ ചോദ്യപേപ്പറുകളും ലഭ്യമാകും.
ഇന്ന് പ്രസിദ്ധീകരിക്കുന്നത് ചോദ്യപേപ്പറിലെ പാഠം,വ്യവഹാരരൂപം,രചനാകാരന്‍ എന്നിവയെ അടിസ്ഥാനപ്പെടുത്തിയുള്ള മൂന്ന് വര്‍ക്ക് ഷീറ്റുകളാണ്.ഇതോടൊപ്പം ഉത്തരമടങ്ങിയ ഒരു ഷീറ്റുകൂടിയുണ്ട്.ഒന്നാമത്തെ വര്‍ക്ക് ഷീറ്റില്‍ വ്യവഹാരരൂപത്തിന്റെ പേരെഴുതാനുള്ള കോളം ഒഴിച്ചിട്ടിരിക്കുന്നു.രണ്ടാമത്തേതില്‍ രചനാകാരന്റെ പേരെഴുതാനും മൂന്നാമത്തേതില്‍ പാഠത്തിന്റ പേരെഴുതാനുള്ള കോളവും ഒഴിച്ചിട്ടിട്ടുണ്ട്.സൗകര്യാനുസരണം ഈ വര്‍ക്ക് ഷീറ്റുകള്‍ കോപ്പിയെടുത്തുപയോഗിക്കുകയോ നോട്ട് ബുക്കില്‍ വരച്ചെഴുതിക്കുകയോ ആകാം.കോപ്പിയെടുത്താണുപയോഗിക്കുന്നതെങ്കില്‍ അവ ഫയല്‍ ചെയ്തു സൂക്ഷിക്കാന്‍ കുട്ടികളെ പ്രേരിപ്പിക്കണം.ഈ പ്രവര്‍ത്തനങ്ങള്‍ മികവുറ്റതാക്കാന്‍ അവ ഉപയോഗിക്കുന്നവരുടെ ഫീഡ് ബാക്ക് അനിവാര്യമാണെന്ന് പറയേണ്ടതില്ലല്ലോ?പിശകുകളും കൂടുതല്‍ മികവുറ്റതാക്കാനുള്ള നിര്‍ദ്ദേശങ്ങളും ഉപയോഗിച്ചപ്പോഴുള്ള അനുഭവങ്ങളും കമന്റുകളിലൂടെ പങ്കു വെയ്ക്കുണം.
ഈ പോസ്റ്റ് തയ്യാറാക്കിയിരിക്കുന്നത് ബ്ലോഗ് അഡ്മിന്‍ കൂടിയായ കൊട്ടാരക്കര സദാനന്ദപുരം ഗവ.ഹയര്‍ സെക്കന്ററി സ്കൂളിലെ ജി സോമശേഖരന്‍ മാഷും ഇടുക്കി കുടയത്തൂര്‍ ഗവ.ഹയര്‍ സെക്കന്ററി സ്കൂളിലെ കൊച്ചുറാണി ജോയി ടീച്ചറും ചേര്‍ന്നാണ്
कार्यपत्रिका पी.डी.एफ
प्रसन्टेशन पी.डी.एफ

जल्द ही आ रहे हैं...
മികച്ചവര്‍ക്ക് കൂടുതല്‍ മിികവു നേടാനും പിന്നാക്കം നില്ക്കുന്നവരെ മുന്നോട്ടെത്തിക്കാനും സഹായകമായ വര്‍ക്ക് ഷീറ്റുകള്‍,പ്രസന്റേഷനുകള്‍,വീഡിയോപാഠങ്ങള്‍ --ജനുവരി 1 മുതല്‍

ഉത്തര സൂചിക ക്ലാസ്സ് 8



ചോദ്യപേപ്പര്‍ വിശകലനം ക്ലാസ്സ് 8


II Term Exam Dec 2014 VIII Hin Qn Analysis

1. ചോദ്യം 9ല്‍ दंगे से पीड़ित दिल्ली के परिवारवाले എന്നതുകൊണ്ട് കുട്ടികള്‍ ചോദ്യകര്‍ത്താക്കള്‍ ഉദ്ദേശിച്ചത് മനസ്സിലാക്കിയേക്കാമെങ്കിലും दंगे से पीड़ित दिल्ली के परिवारवाले എന്നത് വെറും 17 പേരല്ല എന്നാണ് പൊതുവെ മനസ്സിലാക്കാന്‍ പറ്റുന്നത്. पुरानी दिल्ली में दंगाइयों ने एक मुसलमान परिवार के सत्रह महिलाओं और बच्चों को एक घर में बंद करके ताला लगाकर आग लगा दी थी। किरण बेदी ने उनको कैसे बचाया? എന്നാക്കിയാല്‍ ചോദ്യം അല്‍പം നീളുമെങ്കിലും കൃത്യതയുണ്ടാകുന്നതിന് ഇടയാക്കും.
2. ചോദ്യം 11 संशोधन ചെയ്യാനുള്ള ചോദ്യം എട്ടാംതരം വിദ്യാര്‍ത്ഥികളുടെ അടിസ്ഥാന വ്യാകരണബോധം പരിശോധിക്കുന്ന രീതിയിലായിരുന്നു നല്ലത്. ഉദാഹരണത്തിന് लिंग, वचन, कर्ता के अनुसार क्रिया (कर्ता---- क्रिया अन्विति) മുതയാല സംഗതികള്‍.

© hindiblogg-a community for hindi teachers
  

TopBottom